Ola! Somos a Farmacia Arrojo, unha farmacia situada no barrio dos Concheiros, en Santiago de Compostela.
O servizo da nosa farmacia caracterízase polo trato próximo, centrado no valor do consello farmacéutico. Escoitamos cada caso e ofrecemos solucións personalizadas, servíndonos de coñecemento, profesionalidade e empatía. Grazas a esta forma de traballar, podemos afirmar con orgullo que gañamos a confianza e satisfacción dos nosos clientes. Estamos aquí para coidar de ti!
Na Farmacia Arrojo temos un forte compromiso coa sustentabilidade e os produtos naturais, de seguridade e eficacia probada. Traballamos cos mellores laboratorios e buscamos continuamente innovar no coidado da saúde, a través de marcas comprometidas co respecto do organismo e o medio ambiente.
Para continuar mellorando o noso servizo e atención, lanzamos a nosa farmacia online. Aquí poderás mercar de forma segura unha coidada selección de produtos naturais de parafarmacia.
Ademais, a través da nosa páxina web ofrecemos unha nova vía de comunicación. Consulta información relevante dos nosos produtos, marcas e servizos e fainos chegar as túas dúbidas e consultas a través de Whatsapp, correo electrónico ou teléfono. Responderemos o antes posible!
